Ambelessì i trovreve na cujìa 'd 14 conte dlë sparm e dël surnatural ch'a  smon-o dë scurse direte për na mzura andanta 'd frisson, e për la surprèisa e la maravija. Da lë spìrit ponciù d'un magìster baravantan coma Ambrose Bierce, a j'oror còsmich e onìrich d'Howard Phillips Lovecraft, dai mond gòtich e stravis, con ël savor ëd la fantasy, ëd Clark Ashton Smith, fin-a a j'atmosfere soasìe dla veja Anghiltèra 'd Montague Rhodes James, i podreve sperimenté vàire manere 'd traté la materia dla conta dl'oror surnatural. E i provreve lòn pì sparmisant che tut, visadì la sospension e fin-a la dirota dle lèj ëd la Natura, che sole an paro da l'assàut dël malardriss e dle fòrse malëgne 'd n'univers dësconossù.
Danans a sé 14 conte, i l'hai butaje n'achit ch'a duvrìa vnì a taj tant 'ma na cita presentassion ëd cost géner literari e dij quatr autor avosà dle conte ch'i vë smonoma.